Que música soaria no fim do mundo?

Hai já muitos anos L. propuxo "We could be heroes" como BSO da apocalipse. Tomei-lhe a ideia e tinha a referência para a incluir num cómic longo que estou fazendo mas David (obviamente sem saber) pisou-ma em El Héroe.

Para mim a de Bowie é umha das ideais para, como dixera originalmente L., soar sobre os títulos de crédito da humanidade, correndo para riba sobre fundido a negro. A cena que tivem que eliminar daquela era exactamente o concurso que National Geographic e Spotify acabam de pôr a andar agora: os protagonistas falavam de que canções soariam no fim do mundo. Descartei o ano passado e isto sai agora.

Esta anedota, que já tenho contado, suma-se a toda umha série de coincidências em diversos sentidos (umha recente com umha vinheta minha em El Jueves) que me levam à máxima de que nom se pode pensar em cópia alegremente, menos em plágio... hai demasiada gente fazendo demasiadas cousas simultaneamente e nom somos tam brilhantes nem tam geniais como para termos ideias que nom poda ter outra persoa noutro lado...

Polo menos de entrada, o benefício da dúvida...